1 U sê ons moet ons naaste liefhê
maar weet ons wat hierin lê
alles wat ek doen is uit liefde
want my God is liefde
2. Gee my, Vader, om te kan verstaan
om liefde te gee soos U my vermaan
uit liefde kom elke goeie daad
op U liefde maak ek staat
3. Laat U liefde in my groei
dat ek van liefde gloei
liefde vir my medemens
is my hart se wens
4. Met U liefde seën U my
van U liefde kan ek nie genoeg kry
wanneer ek liefde betoon
is dit U wat ek vertoon
5. Laat my U vertoon aan elkeen
so kan U hulle ook seën
laat my liefde van ‘n rein hart wees
sonder hoogmoed, sonder vrees
6. U liefde, vir my, verstaan ek nie
want ek verdien dit nie
nogtans stort U dit uit
so groot en so wyd
7. Niemand kan ‘n definisie gee
van U liefde aan ons bestee
ons neem dit vanselfsprekend aan
ons dink nooit eers daaraan
8. Laat U liefde in my skyn
sodat die nag vir ander verdwyn
sodat hulle U lig kan sien
en so U ook kan dien
9. Sit U liefde in my hart
genoeg liefde vir al die smart
van hierdie liefdelose lewe
laat my na nog meer liefde strewe
L.C.J. Engelbrecht
This message and any attached files may contain information that is confidential and/or subject of legal privilege intended only for use by the intended recipient. If you are not the intended recipient or the person responsible for delivering the message to the intended recipient, be advised that you have received this message in error and that any dissemination, copying or use of this message or attachment is strictly forbidden, as is the disclosure of the information therein. If you have received this message in error please notify the sender immediately and delete the message.
No comments:
Post a Comment