Langs ‘n dam in die berge
Lê ek op sterwe
En wag elke dag
Vir die deur om oop te gaan
Om in die niet te verdwyn
Na daar waar die son sal skyn
Die deur agter my toemaak
In die ewigheid wegraak
Want ons weet glad nie
Wat gaan gebeur nie
Ons kan maar net hoop
Daar is ‘n pad om te loop
Want as daar ‘n god bestaan
Voor watter een sal ek staan?
en wat ek nie wis nie
Is of daar ‘n god is of nie
Lukas Engelbrecht
Wanneer ek na die waters staar
En my gedagtes na benede daal
By die bodem verby
Daar sien ek jou
Al is jy al ver oor die brug
Roep my verlange jou terug
Na dit wat ek nie kon doen
Jou nog net eenkeer kon soen
Maar die lewe het gebeur
En ons liefde versteur
Lukas Engelbrecht
Die wind bring hartseer oor die see
Dan val die trane voor my neer
Die golwe slaan teen my vas
Gedagtes oor hoe dit was
Die wind het iewers gaan lê
Liefde soos wat ek dit wou hê
Dan lê die son weer oor die see
En skyk versigtig om my heen
Maar die son het gesak
En die maan sy tas gepak
En die stilte raas in my oor
‘n donker toerkoms voor
Maar die aandster sal weer skyn
En ek dink die storm het verdwyn
Maar dan slaan die donderweer
Hoe verduur ek al die seer?
Lukas Engelbrecht
My gedagtes maal alweer
Alweer oor die seer
Altyd oor die seer
Hoe kan ek dit keer?
Dit vloei soos water
Soos die golwe van die see
Weer en weer
Maak dit seer
Soos die wind die wolke bring
En die reen uit hulle dwing
So is my gedagtes binne-in
Om weer na buite te spring
Hoe bere ek hulle weg
Soos ‘n ou leer in ‘n kas?
Hoe vergeet ek van die seer?
Hoe vergeet ek van jou seer?
Lukas Engelbrecht
