Kitaardorp se manse
Is pragtige mense
Is vol-liefde mense
Sonder aansit-mense
En straight forward mense
Op die aarde mense
Hier waar ons bly is kerkmens en sondaar
By die Carousel is ons dobbellaars
Ons speel die perde by die racetrack
En ons drink Lennon se Duiwelsdrek
Jy waag jou lewe in ons strate
Die teer is gedaan en vol gate
Die ander mense in die dorp daar bo
Wil nie weet van ons bestaan en sê so
Daar kleef ‘n stigma aan my en jou
Dis hoekom ons onder mekaar trou
Gelukkig verstaan ons mekaar dan
En ons weet dan ook waarheen ons gaan
Ons het ook miljoenêrs en bedelaars
Baie armes en huiseienaars
Ons bly in ons joint of die mission
Party het dit breed ander maar din
Ons is trots ons is Riversdallers
Ons het ganse, skape en kallers
Daar is klein erwe en daar is plotte
Daar is mooi huise en daar is krotte
Dit maak nie saak hoe lyk ons huise
Vir ons bly dit nogtans ons tuiste
Hy mag miskien nie vir jou mooi wees
Kyk nie met jou oë maar met jou gees
Of jy nou skeef na ons kyk al dan nie
Al sien jy ook neer op ons ons sal nie
Ons is ook net mense soos julle
Ons in net mense sonder grulle
Noem ons net wat julle ook al wil
Aan ons maak dit nie ‘n groot verskil
L.C.J. Engelbrecht
This message and any attached files may contain information that is confidential and/or subject of legal privilege intended only for use by the intended recipient. If you are not the intended recipient or the person responsible for delivering the message to the intended recipient, be advised that you have received this message in error and that any dissemination, copying or use of this message or attachment is strictly forbidden, as is the disclosure of the information therein. If you have received this message in error please notify the sender immediately and delete the message.
No comments:
Post a Comment