Moeder

Toe ek net veertien jaar oud was

Het my vader na die hemel verkas

Of, altans so word daar gesê

Of, wil hulle dit graag so hê?

 

Ek was toe maar nog ‘n seuntjie

Maar dit maak nie saak nie

Want ek was die oudste

En moes pa speel vir my broers en suster

 

Toe moes dit ook gebeur

Daarteen kan ek nie beur

Hulle sê mos ‘Voor jy kan besin

Haal jou verlede jou in’

 

Uit die verlede kom ‘n vrou

Aan haar was my pa ontrou

Toe dagvaar sy hom

Om na die skeihof te kom

 

Sy het ons by hom gelos

Want vir ons had sy geen kos

Om vier kinders te voed

Daarom het sy maar gegroet

 

Nou is sy terug uit die verlede

Moet ons haar vergewe?

Wie was reg, hy of sy

Of het altwee maar gegly?

 

Moet ons maar bedaar

En lief wees vir haar

Al ken ons haar nie

Is sy tog nie ons moeder nie?

 

 

L.C.J. Engelbrecht

 

---

This message and any attached files may contain information that is confidential and/or subject of legal privilege intended only for use by the intended recipient. If you are not the intended recipient or the person responsible for delivering the message to the intended recipient, be advised that you have received this message in error and that any dissemination, copying or use of this message or attachment is strictly forbidden, as is the disclosure of the information therein. If you have received this message in error please notify the sender immediately and delete the message.