Blink was ek in my raam
Soos dit ‘n goeie venster betaam
Dis toe dat die bal deur my gaan
En ek beland toe in die askan
Hier is ‘n porsie rys
Oorblyfsels van die vleis
‘n bietjie pampoen
‘n veter van ‘n skoen
ondertoe is vanoggend se pap
en ‘n bietjie lemoensap
‘n verlepte wortel
‘n leë bierbottel
‘n Verlepte blom
‘n leë buisie gom
‘n geskeurde vadoek
die krummels van ‘n koek
Alles in een kan
So sal ons na die ashoop gaan
Wat sal van ons word
As hulle ons daar stort?
L.C.J. Engelbrecht
No comments:
Post a Comment