Ligte

‘n Honderd ligte in ‘n ry

Daar waar die motors moet ry

Geduldig skyn hulle neer

Op die klipharde teer

Om rigting te kan gee

Verlig is die pad wat jy moet gaan

Maar nie as jy net daar bly staan

Want welke koers jy ook al in sal slaan

Daar sal ‘n liggie vir jou staan

Want die lig skyn net as dit donker is

Lukas Engelbrecht

Skulpies

Daar lê skulpies op die strand

Krappies op die land

Slakkies in die see

Maar die golwe sleur hul mee

Maar die slakkie is nou dood

En word ‘n ander vis se brood

En met nou net een teug

Is die skulpie nou leeg

Nou rol die skulpie op die sand

En land op in my hand

Hy wou lewe, so graag

Nou is hy in ‘n vis se maag

Lukas Engelbrecht

Albatros

Diep blou die oseaan

Waaroor my gedagtes gaan

Vry soos ‘n albatross sweef

Ver na waar ‘n ander leef

‘n Ander plek, ‘n ander lewe

Waarookal my gedagtes strek

Na waar ek ookal wil wees

Daar by jou sal ek wees

Ek sal jou stem in die golwe hoor

Jou gesig lê hul vir my voor

So asof ek jou hand kan vat

As jy in die oseaan se water bad

My gedagtes bring jou tot hier

Nader, nader tot hier

Tot hier aan my sy

Al nader en nader kom jy

Lukas Engelbrecht

Gedagtes

Stil hang die wolke oor die see

En voer jou gedagtes mee

Na wêrelde wat kan wees

Al sien jy dit net in jou gees

Na ‘n plek wat vrede bring

Waar jy van vreugde kan sing

Na jou plekkie in die son

Jou plekkie, as jy net kon

Verder en verder weggevoer

Tot daar anderkant, daar doer

Tot daar waar jy wil wees

Al is dit net in die gees

En dit is alles goed en wel

As jy dit so kon bestel

Al sit jy nou nog hier

As jy die diep blou in tuur

Lukas Engelbrecht

Die wind sing

Op die golwe se musiek

Lewer jy geen kretiek

Want die klanke in jou ore

Is lank voor jou gebore

Hoor jy die wind se stem

Hy wat die waters tem

Want jy kan heeldag sit en luister

In die sand vasgekluister

Die golwe so helder soos glas

Wat om die strand neerplas

So vorm Hy die noot

Wit skuimend groot

Die een noot op die ander

Wat in ‘n melodie verander

Saam soos in ‘n koor

Met die woorde wat net jy wil hoor

Lukas Engelbrecht

Geloof

Saggies val die reën op die tent

As ek my na Jesus wend

En Hom vra om my te leer

Van die liefde en die hartseer

Geloof is om dit te doen

Nie net te sit nie maar te doen

Dit wat jy nie uit kan werk

Nie jy ook nie die kerk

Want sit jy dan sit Hy

Werk jy werk Hy aan jou sy

Want doen jy niks meer nie

Kan Hy jou ook nie meer help nie

Bou jy vir jou ‘n huis

Maak Hy Hom daarin tuis

Al bly jy in ‘n pondok

Sal jy Hom nogtans daarheen lok

Lukas Engelbrecht

Ek dink aan jou

Dis verlange wat my aan jou laat dink

Na dieptes waarin my verbeelding sink

Om die duister dinge te onthou

En dit weer van aangesig tot aangesig te aanskou

Die dinge waaroor ons nie praat

nie in die geheim nie ook nie op straat

Want woorde is daar nie om te staaf

Want dit sal die graf net dieper graaf

Nog lank het dit nie gaan lê

As dit so vlak in my gedagtes lê

Te maklik om dit op te roep

Te moeilik om dit te groet

Na die dinge wat ek geniet

Soos die radio se musiek

Woord vir woord onthou ek dit

Waar ek hier eensaam en alleenig sit

Lukas Engelbrecht

Ek wens jou geluk

Ek wou jou so graag gelukkig sien

Met ‘n glimlag wat oor jou gesig skyn

Maar die glinster in jou oë

Was ‘n traan op jou wang

Ek weet jy het gedoen wat jy mles

Wat jy geglo het van jou verwag word

Maar uit die venster van jou siel

Skyn die donkerwolke deur

Ek wou jou teen my vasdruk

Om jou hardseer te verlig

Want tussen al die mense om jou

Lyk jy tog so alleen

Nou kan ek net hoop en bid

Dat jy tog geluk sal vind

En ware liefde sal ontdek

Dit is wat ek uit my hart uit wens

Lukas Engelbrecht

Ek is jammer

Ek is jammer as ek na jou staar

want jy is so kosbaar

Ek is jammer as ek jou bewonder

en skoenlappers in my maag fladder

Ek is jammer as ek jou wil vasdruk

jou teen my hart druk

Ek is jammer as ek jou wil soen

en alles wat ek aan jou wil doen

Ek is jammer oor my gedrag

as ek in my siel glimlag

Ek is jammer as ek aan jou wil raak

 om jou aanraking te kan smaak

Ek is jammer as dit jou grief

maar ek het jou lief

Lukas Engelbrecht

Ek wil loer

Laat ek jou afloer

En in jou gedagtes inloer

En sien waarmee jy besig is

Sodat ek my daarin kan inrig

 

Ek wil jou vrese aanshou

Waaraan jy so vashou

En die deur vir jou oopmaak

Sodat jou liefde kan ontwaak

 

Ek wil jou liefde bewonder

En weet waar is môrester

‘n blik in jou fantasie

My liefde my lisensie

 

Lukas Engelbrecht

 

---

This message and any attached files may contain information that is confidential and/or subject of legal privilege intended only for use by the intended recipient. If you are not the intended recipient or the person responsible for delivering the message to the intended recipient, be advised that you have received this message in error and that any dissemination, copying or use of this message or attachment is strictly forbidden, as is the disclosure of the information therein. If you have received this message in error please notify the sender immediately and delete the message.

Dit reën liefde

Wanneer die reën om my val

En jou liefde my oorval

En die druppels oor my vloei

As jou liefde my boei

‘n gevangene van jou liefde

‘n antwoord op al my gebede

Lukas Engelbrecht

Op die kantlyn van jou hart

Ek staan op die kantlyn van jou hart

En kyk na die spel van smart

Beseringstyd kom jy af

En kry ek die krummels van die tafel af

Want ek is nie deel van jou spel

Net die een wat die minute tel

Totdat ek jou weer sal troos

En los jy my hart weer broos

Al kry ek net ‘n minuut of twee

Geniet ek dit wel terdee

Met net ‘n lekseltjie liefde van jou

Waarop ek my ure bou

Lukas Engelbrecht

So is jy

Soos ‘n ster wat skitter in die nag

En nie wegkrimp vir die dag

Soos die weer oor die horison dryf

En die donder selfs die nag verdryf

So sag soos die water van die see

Al sleep die branders jou mee

Soos die verfrissende reëndruppel

As jy oor die poele trippel

Soos die son se strale teen my kom lê

Totdat my hart blase sal hê

En soos die maan my weer sal troos

En my hartseer weg sal toor

Lukas Engelbrecht

Bymekaar vir altyd

Ons sal altyd bymekaar wees

Al moet ons dit in ons gedagtes lees

Al sal dit nabyheid wees

Of afstand ons lot wees

In my geestesoog ingebrand

Bymekaar met ‘n silwer band

In alles sien ek jou gesig

In die blomme en die sterre in die lug

Wanneer ek na jou verlange

En my gedagtes jou vasvang

Weet ek jy is altyd daar

Vir ewig bymekaar

Lukas Engelbrecht

Omdat ek jou liefhet

Omdat ek jou liefhet

Deel ek jou handseer en jou pret

Jou lag en jou traan

Waarheen jy ookal in jou gedagtes gaan

Omdat ek lief is vir jou

Sal ek jou in my arms toevou

Jou vashou tot die oggend uur

Hoe lank die nag ookal mag duur

Omdat ek jou bemin

En al maak dit nie sin

Is ek altyd daar vir jou

Al sou die dood ons toevou

Lukas Engelbrecht

Jou liefde in my hart

My hart is nou wel ‘n pomp

Maar jou nabyheid maak dit lomp

Want hy klop en stop

Soos ‘n bokkie rond hop

Hy wil dans en spring

En van jou liefde sing

Want dis jou liefde in my hart

Wat my lewe omkrap

Want ek is hardseer en bly

‘n gevangene en tog ook vry

Ek wil it vashou en ook deel

Maar jy het hom klaar gesteel

Lukas Engelbrecht

Die dae snel verby

Ek krap die dae uit my lewe uit

hoe gaan ek die jare se dae stuit

en voor ek my kon kry

snel die dae verby

Vinnig blaai die blaaie om

Nog ‘n maand het gekom

Sy dae lê oop voor my

Wat sal ek uit hulle kry?

En voordat ek iets vermag

Verdwyn die son se krag

En die dag het voor my gaan lê

Sy kop onder die horizon loop lê

En wanneer die son weer opkom

En jy bereken die som

En jy sien wat jy daaruit kry

Is gister, vandag en môre lankal verby

Lukas Engelbrecht

Geld

Geld het ek genoeg

Waarom sal ek swoeg

Ek kan koop wat ek wil

En so my geld verspil

Ek kan nog baie kry

Daarom voel ek vry

Ek is nie afhanklik van enigeen

Vir geld sal ek nie ween

Ek gee geld uit

Totdat die winkels sluit

Dan eet ek my trommel dik

Totdat ek verstik

Orals kan ek gaan

Niemand kan my vermaan

Want die koste kan ek dra

Wie kan dan kla

Niks is te duur vir my

Onder armoede sal ek nie weer ly

Geen gebedel vir geld

‘n Koppie suiker of ‘n speld

Lukas Engelbrecht

My lied vir Jou

Ek soek na die woorde vir ‘n lied

Met so ‘n bietjie verdriet

‘n lied wat gesing kan word

terwyl jy ‘n traantjie stort

‘n Lied waarna jy kan sit en luister

en hees die woorde fluister

agter die sanger aan

terwyl jy staar na die maan

Met jou geliefde aan jou sy

Probeer jy ‘n traan vermy

‘n traan blink in die nag

haar hartjie, klein en sag

Julle glimlag weer

As jy die plaat omkeer

Dis net so mooi

Vir jou en jou nooi.

Lukas Engelbrecht

Grassies in die wind

Die grassies waai in die wind

Soos ‘n regte stoute kind

Wat hardloop en baljaar

Dit maak jou eintlik naar

Onophoudelik aan die gang

En niemand kan hom vang

Op en af, heen en weer

Vorentoe, agtertoe met een tree

Tussen al die grassies deur

En buig hulle voor hom neer

Geen grassie word ontsien

Elkeen ongevraagd bedien

Wie sal hom vas kan gryp?

Hom aan sy oor kan knyp?

Hom op sy boud kan slaan?

Of moet ons hom maar laat begaan?

Lukas Engelbrecht

Chaos

Wat maak ‘n miershoop in die veld

Tussen die wind en weer geweld

Stil staan hy net daar

Na die grootte hemel en staar

Goed beskerm teen die weer

Toegesluit is die deur

Geen vensters om deur te sien

Of is daar miskien?

Binne woel ‘n duisend mier of meer

Oral in die gangetjies deur

Dit werskaf en dit woel

Almal gerig op net een doel

Geen mier is uit sy plek

Soos ons hier op aarde chaos wek

Want elkeen het sy eie idée

Watter chaos bring dit nie mee?

Lukas Engelbrecht

Kos op die land

Bossies en bome oral rond

Wie is die eienaar van hierdie grond?

Wie is die baas van hierdie plaas?

Het jy al geploeg, wanneer laas?

Boer jy met bos of boom

Is dit jou droom

Nie ‘n mielie of ‘n dier

Niks, maar niks nie, hier

Daar is nie kos op die land

Sal dit maar moet verpand

Sodat dit bewerk kan word

Iemand sy hart daarin uitstort

Lukas Engelbrecht

Die dooie

Wie lê in die graf begraaf?

Wie se dors is gelaaf?

Wie se naam op die steen?

Wie was vir ons geleen?

Wat was sy lewe werd

Of was dit net snert?

Wat het hy gedoen?

Vir wie het hy gesoen?

Wat het hy beteken?

Op wie kon hy reken?

Waar lei sy spore heen?

Het hy gelag of het hy geween?

Nou lê hy net daar

Deur die aarde vergaar

Wat het hom hierheen gelei?

Wat het ons hieruit gekry?

Lukas Engelbrecht

Drinkwater

‘n Waterbak vir die bees

Staan alleen en lyk so wees

In die son lê die water blink

Net vir die bees ingeskink

Geduldig lê die water en wag

Om ‘n bees se dors te versag

Om sy dors te les

Op die bossies is die res

So help die waterbak die boer

Om vorentoe te loer

Na nog ‘n winsgewende jaar

Waar klein kalfies kan baljaar

So sien hy hulle kom en gaan

Daar waar hy jaar na jaar staan

Daar staan hy eenkant en alleen

En kort-kort ‘n traantjie ween

Lukas Engelbrecht

Staan op

Vir die soveelste keer

was ek ten die grond vasgeslaan

help tog, O Heer

dat ek weer op kan staan

Met ‘n drang om te slaag

Moet ek weer gebin

Moet ek aanhou waag

Aanhou totdat ek wen

Ek is net ‘n mens

Ek wil gelukkig getroud wees

Met net een groot wens

En ‘n goeie vrou vir my man wees

Die pyn en swaarkry was nie verniet

Die pyn en swaarkry is nou verby

Nou sal ek die lewe kan geniet

Nou sal ek nie meer ly

Lukas Engelbrecht

My Valentine

Wanneer ek aan liefde dink

en my oë begin te blink

‘n glimlag te aanskou

dink ek aan jou

Wanneer ek liefde beleef

en dit voel asof ek sweef

jou liefde aan my knaag

bring vlinders in my maag

Wanneer ek na liefde soek

eensaamheid my besoek

en ek verlang na jou

my begeertes na my vrou

Lukas Engelbrecht

Skulpies

Skulpies op die strand

‘n Paartjies in my hand

Om saam huis toe te vat

Kyk hoe speel ek op die mat

Waar kom die skulpies vandaan

Die oseaan die spoel dit aan

Van diep binne in die see

Voer die glowe dit mee

Skulpies dood en leeg

Aangevoer met een veeg

Van die diepte tot op die strand

Skulpies op die strand

Lukas Engelbrecht

In my tent

In my tent langs die see

So vyftig of wat tree

Luister ek na die lied

Wat hy oor my giet

Oordonderend maar tog sag

Met die wind se ongelooflike krag

Speel hy sy deuntjie elke dag

En sus hy my na droomland in die nag

In my tent sit ek en luister

Na die liedjie wat hy fluister

Ek sit my eie woorde by

Woorde vir jou hier aan my sy

Die note val perfek

As dit in my tent in trek

Ek trek jou naderby

Tot hier styf teen my

Lukas Engelbrecht

Op die strand

‘n Ma en haar kind speel op die strand

Bou sandkastele in die sand

Heen en weer hardloop die kind

Na die golwe van die wind

Uitspattig geniet hy hom

As die golwe nader kom

Heldhaftig sal hy nader gaan

As die golwe verder gaan

Met ‘n glimlag geniet sy dit

Waar sy nou op ‘n bankie sit

In die golwe staan hul saam

Hand aan hand teen die golwe saam

Op ‘n handdoek op die sand

Speel ‘n ma met ‘n klein kalant

Dit is die liefde wat sy bou

‘n foto wat vir ewig hou

Lukas Engelbrecht

Ver, ver...

Ver, ver oor die vlaktes tuur ek

Wat vrede in my gemoed wek

Oor lande en bome

teenaan die aarde se some

Ek verwonder my aan die verte

Aan die natuur se merke

Want hoekom sal sit nou eintlik so wees

Wie het besluit waar elke boom sal wees

Elke boom met sy eie vorm

Ge-ets deur die natuur se storm

Maar ek hoor hulle nie kla

En ook na niks vra

Nou sing die wind deur sy blare

En saam vorm hulle ‘n skare

Dan sing hulle saam

En hulle is nie eers skaam

Lukas Engelbrecht

Ek kyk na jou

Mense loop op die strand

Kaalvoet in die sand

as die golwe om hulle spat

tot by die kuite is hulle nat

maar die pense hang oor die broek

iewers skree iemand “Snoek”

dan has hul, hul na die skuit

en beskou die dag se buit

‘n vis te koop, ‘n vis te braai

Terwyl die suid-ooster buite waai

En die bier die vloei

Nog ‘n coke om in te gooi

Want by die woonstelvenster kyk ek uit

Na die mens se jolyt

En wonder wat gaan aan

En wonder oor ons bestaan

Lukas Engelbrecht

Ek sien mense.

Ek sien mense hulself met hulself vermaak

Terwyl hulle dwase van hulself maak

Hulle in hulle eie wysheid verstik

Ek sien mense wat die wêreld besit

Soos dooies hulle bene regskud

En agter onbenullighede aan hardloop

Ek sien mense spot met die geestelike

 en aanhang aan die verganklike

Dit wat verbygaan verhef hulle

Ek sien mensehelde van mense

Wanneer hulle hul vergelyk met mense

En kompeteer om die liggaamlike

Ek sien mense hul liefde goedkoop

Maar dit waarvan hulle oorloop

Is hulle eiewyse dwaasheid

Lukas Engelbrecht

Die mens se wysheid

In my hart is daar ‘n leegte

‘n soeke na my deugde

die verwarring wat dit bring

laat my ‘n banneling

Die mens se wysheid

Verander tog mettertyd

In hulle dwaasheid

En glo ‘n nuwe wysheid

Dit laat my voel

Van die middeljare oorgespoel

Van die toekoms gekom

Soos ‘n onkruid te blom

Hard sal die mense swoeg

Maar die land bly ongeploeg

Terwyl my gesaaides staan

En niemand daar ingaan.

Lukas Engelbrecht

'n Lewetjie

‘n Bietjie man en baie vrou

‘n klein lewetjie ontvou

met die hulp van God se hand

in haar ma se ingewand

‘n Delikate sel-vermeerdering

groei tot ons verwondering

uit liefde bymekaar gebring

van sel tot suigeling

Hoeveel wonders het gebeur?

Hoeveel rose se geur?

Hoeveel diamante se glans?

Hoeveel feetjies se dans?

Om jou vir ons te gee

Wanneer jy die lewe betree

Onthou dan hierdie woord:

Jou liefde kan nooit te groot.

Lukas Engelbrecht

Vergroeisels

Hulle staan soos vergroeisels

Dit wat ons die ‘mens’ noem

Op die elektron

Wat ons ‘aarde’ noem

In die atoom

Wat ons ons ‘sonnestelsel’ noem

In die molukuul

Wat ons die ‘heelal’ noem

In die stelsel

Van dit wat ons ‘God’ noem

Lukas Engelbrecht

Hoe sal ek jou ooit kan vergeet?

Het jy nie ‘n doel in my lewe

dit waarna ek strewe?

Het jy nie vir my rigting gegee

betekenis aan my lewe gegee?

Was jy nie die vriendin

wat ek bemin?

Was jy nie die glimlag

wat op my wag?

Was jy nie die reënboog

in my oog?

Was jy nie die lied

wat in my hart opskiet?

So, al gaan ek nou ook dood

en gooi hulle my in ‘n sloot

Dit is wat jy moet weet

Hoe sal ek jou ooit kan vergeet?

Lukas Engelbrecht

Jy is 'n Wonderwerk

Soos die geboorte van ‘n kind

Soos die rigting van die wind

Soos die wolke wat bly sweef

Soos die reën wat weer laat leef

So is jy ‘n wonderwerk

Soos die son weer op sal kom

Soos dou druppels op ‘n blom

Soos die strale van die son

Soos die berge van beton

So is jy ‘n wonderwerk

Soos die golwe van die see

Soos die wind die aarde vee

Soos die maan die nag verlig

 Soos ‘n engel se gesig

So is jy ‘n wonderwerk

Soos ‘n Swaeltjie in die lug

Soos ‘n Arend in sy vlug

Soos die blare aan ‘n tak

Soos die son wat weer sal sak

So is jy ‘n wonderwerk

Soos jou drome in die nag

Soos die maan wat vir jou lag

Soos die glinster van ‘n ster

Soos die hemele daar ver

So is jy ‘n wonderwerk

Lukas Engelbrecht