Ek verwonderd my

Ek kyk na die foto van jou

En verwonderd my hoe jy ontvou

Nog net ‘n sentimeter of twee

Maar reeds met skoonheid beklee

 

Ek sien hoe jou selle aanteel

Soos die vorming van ‘n juweel

Waaruit daar liefde skyn

Soos uit ‘n fontein

 

Die lewe het ingeskop

Toe jou hart begin klop

En jy liefde wakker maak

Nog ‘n stukkie van my hart ontwaak

 

Lukas Engelbrecht

‘n Nuwe lewe

‘n Nuwe lewe

‘n Nuwe liefde

‘n Nuwe son

‘n Nuwemaan

 

Nogtans onbekend

Alreeds bemind

Nogtans ongesiend

Alreeds geliefd

 

Ek verlang na die dag

Ek kan nie meer wag

Wanneer liefde lewe kry

Met jou by my

 

Lukas Engelbrecht

‘n Wens

In die jare van my grys

Het God my ‘n guns bewys

Deur ‘n wens te vervul

My nageslag aan te vul

 

Want ‘n wens het lewe gekry

Uit liefde, verkry

Piepklein is jou begin

In wording bemin

 

Nou is jy nie net meer ‘n wens

en ook is jy nog nie ‘n mens

en al is die pad nog lank

het ons God reeds bedank

 

Lukas Engelbrecht

Oor my nagrus waak

Wanneer Jupiter ‘n draai kom maak

En die maan oor my nagrus waak
En jy my in ‘n droom besoek
Vir ‘n nuwe storie in my boek

Dan daal die rus oor my neer

En staan ons voor droomland se deur
Nog net een treetjie verder gaan
Dan dans ons op die maan

Vry is ons saam in die hemelruim

Tot waar dit op die golwe skuim
êrens op ‘n eensame strand
op die heelal se kant

Uit frustrasie skop ek ‘n ster eenkant

en verskiet dit oor die land
van sterre, sonne en planete
en ek trek ‘n waas oor my gewete

Lukas Engelbrecht

As jy weg is

Wanneer jy weg is

En ek wens dat jy al terug is

Dwaal ek doelloos in my drome rond

Want dit is jou wat ek kort

 

Lukas Engelbrecht

Brandberg

Die brandberg is van klip

Waarop ‘n koggelmander sit

Rooiwarm in die dag

Swartkoud in die nag

 

Magtig keer hy die son se straal

Wat sy hitte vir my bepaal

Dan gaan staan die son op sy rug

Om sy strale oor te lig

 

Aan sy voet klop ek op ‘n klip

Wat die hele berg laat wip

Want diep binne is verberg

Wat nog baie harde werk sal verf

 

Of hy sal gee of weerhou

As ek nog dieper grou

Want sy geheim is in ‘n Kristal vasgevang

Wat ek om jou nek wil hang

 

Lukas Engelbrecht

 

 
 

Clarens

Clarens

 

Die dorp het gaan slap

Saam met die kraaie se gaap

En die grondpaaie lê braak

En die sterre naak

 

Lukas Engelbrecht

 

 
 

Bekkie

Die lied wat ek vir jou wil sing

Moet ‘n glimlag om daai bekkie bring

Wys daai wit tandjies vir my

Almal netjies in ‘n ry

 

Lukas Engelbrecht

 

In die Kakhuis

Ek sit hier in die kakhuis

Bo-op ‘n helse geruis

Van donderweer en waterstroom

Waarvan die natuur net kan droom

 

Maar die sit word lank

Midde in die stank

Van verteerde groente en vleis

So alleen in die kakhuis

 

Maar so het my Pa gesê

As jy minder stank wil hê

Vat groot monde vol

As die stank begin lol

 

Lukas Engelbrecht

 

Voëltjie

‘n Voëltjie hop oor die gras op soek na kos

Wie het vir hom ‘n ietsie gelos?

‘n Wurmpie of ‘n saadjie of ietsie om te eet

Wie het dit daar vergeet?

 

Lukas Engelbrecht

Waarheen nou?

Waarheen nou?

 

Die een voet voor die ander stap ek aan

Maar ek het nie ‘n idee waarheen ek gaan

Die stof het al in die verte gaan lê

Maar die pad kronkel nog tot waar die horizon lê

 

Verbeel ek dit my nie miskien

Is dit die horizon wat ek daar sien

Want die pad raak kort

Maar die horizon is vort

 

Stadiger val my voetstappe on die pad

Hoeveel verder sal die lewe my vat?

Hoe sal ek weet wanneer ek arriveer

Voordat ek weggeblaas word soos ‘n veer

 

Maar ek ploeter maar voort na daar

Totdat die nag die son weer baar

En die son sy merke op my los

Wat het hierdie reis my nie al gekos.

 

Lukas Engelbrecht

 

Bok en Hanna

Die son het opgegaan

Toe ons hoor van jou bestaan

Met liefde het ons gewag

Geduldig met ‘n lag

Wanneer ons aan jou dink

 

Maar die son het onder gegaan

En ons lewens het gaan staan

Toe jou lag in die verte verdwyn

En ons met ‘n traan aan jou dink

Al ons liefde waar jy jou bevind

 

 

Lukas Engelbrecht

 

   

Droogte in my hart

Soos die sand in die woestyn rondwaai

Soek my hart ‘n plek om af te draai

En al word alles deur die son verbrand

Vind my liefde ‘n plek by jou om te land

Die wind lek die laaste druppel op

Maar die droogte in my hart het gestop

En al is die reen maar min

Is jou liefde ‘n nuwe begin

Die wind kan dit nie meer verwaai

Want die skip is in die kaai

Maar dan slaan die hitte my asem weg

En moet ek om oorlewing veg

Want ou lê my liefde in die woestyn

Totdat dit stadigaan verdwyn

 

Lukas Engelbrecht

Sun Cottage

(my inskrywing in Sun Cottage se besoekersregister)

 

At the end of the days

When silence hits you in the face

And total darkness covers the day

And shift it over the mountain top

A million stars to greet the night

To remind you of His Might

You’ve witness Him on stage

When you’re at Sun Cottage

 

Lukas Engelbrecht

 

 

Uit die bloute

Uit die bloute daal n engel neer

En bring vir ons die seer

Want hy het haar kom vat

'n asemrowernde skat

 

Hy het ons lewens hier kom skud

Om nog 'n ster aan die hemel te sit

Sodat wanneer ons dit aanskou

Ons haar sal onthou

 

Maar sy neem ons liefde saam

Wanneer sy deur die poorte gaan

En al hou Hy haar hand

Sal ons liefde in haar brand

 

Maar die pyn is vlak gelee

As ons haar prys moet gee

 

 

Lukas Engelbrecht

 

Ons harte is seer

Ons is besoek deur ‘n engel

Om die ligte af te skakel

Van ons geliefde

En los ons met ‘n leemte

 

In ons gedagtes leef sy voort

Met vrae onbeantwoord

Maar nou sal sy weet

Ons sal haar nooit kan vergeet

 

Lukas Engelbrecht

 

 

 

 

Bloedrooi Lint

My woorde lê nog nat op die papier

Toe ek dit aan die posduif bind

En al is dit ‘n baie ou manier

Veral met ‘n bloedrooi lint

 

Ek hoop dat jy sal kan verstaan

En my briefie sal kan lees

Dat die ink nie vir ewig sal bestaan

En dit so gou moontlik sal lees

 

Want in die woorde is daar verskuil

Tussen die woorde is daar verberg

Dat ek elke aand oor jou huil

Totdat die slap my trane verberg

 

Maar die ink is nou droog

En het van die papier geval

Deur die jare verdroog

En nou lê my hart in die gal

 

Lukas Engelbrecht

 

Tweet posduif

(vir Chris Chameleon op Twitter)

 

1

Sprei jou vlerke en vlieg

En bring ‘n liefdesbriefie terug

 

2

Uit my hart stuur ek ‘n briefie vir jou

Vol liefde waaraan jy kan klou

 

3

Sprei jou vlerke oor my pad

Want jy ken die kortste pad

 

 

Lukas Engelbrecht

 

Posduif

(vir Chris Chameleon se Facebook blad)

 

1

Op die vlerke van die wind

Skryf ek vir jou ‘n brief

En ek hoop dat die posduif jou sal vind

Sodat jy sal weet ek het jou lief

 

2

Ek stuur ‘n briefie met ‘n posduif vir jou

Net om te sê: ”Ek berou

Die dag toe jy weggegaan het”

Want ek voel jou nou nog hier in my bed

 

3

My woorde fladder deur die lug

Soos die vlerke van ‘n duif

Om ‘n plek in jou hart te vind

Deur die liefde wat ons bind

 

4

Ek stuur ‘n posduif na jou

Ek stuur my liefde na jou

Ek stuur my woorde na jou

Ek stuur akkoorde na jou

 

5

Wanneer die posduif weer terugkom

Met woorde wat uit jou hart uit kom

Hou ek die hemele dop en wag

En gee nuwe hoop my weer krag

 

6

‘n Posduif met ‘n briefie aan sy poot

Van my liefde wat net aan jou behoort

wat deur die bloue hemel sweef

op soek na waar my liefde leef

 

7

Soos die vlerke van ‘n duif

Sprei my arms om jou lyf

En fluister ek my liefde in jou oor

Voordat die posduif dit verloor

 

8

Ek stuur ‘n posduif om my wense te bring

Luister met jou hart as hy my liedjie sing

Deel my gedagtes in jou binneste

Want in my hart is jy die eerste

 

9

Al lyk my posduif soos ‘n pappegaai

En kan hy soms liedderlik lawaai

Laat hy jou met my boodskap paai

Voordat jy sy nek omdraai

 

10

Ek wag nog vir ‘n boodskap van jou

Die aanvaarding van my berou

Ek dag my oë het my bedrieg

Want die posduif het net verby gevlieg

 

11

Aan sy poot het ek my briefie gerek

Maar my posduif het gevrek

Nou lê ek maar hier my wonde en lek

Terwyl ek van eensaamheid vrek

 

12

My gedagtes vlieg die ewigheid in

Na ‘n hart waarin hy kan klim

Om ‘n warm Nessie te kan vind

Waarin my liefde rus kan vind

 

13

Soos ‘n posduif vlieg ek na jou

Gedagtes, wense, begeertes na jou

Om jou met my vlerke toe te vou

Met ‘n kokon van liefde te omvou

 

 

Wat is dit die?

Ek sit hier en wonder oor die lewe

Oor dinge wat jou siel sal laat bewe

Oor hierdie oneindigende baan

Wat ons as die lewe verstaan

 

Ek gaan maar net aan en hoop

Dat Iemand weet waarheen ek loop

Al in die rondte loop my pad

Dit lyk my ek het alles oorskat

 

Ek het gehoop en gereken

Dat hierdie lewe iets beteken

Soos ‘n tol wat bly spin

En ek eindig waar ek begin

 

Is daar hoop in hierdie lewe

Of is dit ‘n gegewe

Van geboorte tot die dood

Wonder ek of is daar hoop

 

Nikswetend gaan ek maar voort

Maar dis nie hoe dit hoort

Ek het regtig mer verwag

Miskien te veel verwag

 

Lukas Engelbrecht

 

 

 

 

Dit reën in my siel

Diep in my siel val die reën

Waar is die God wat my sal seën?

Want daar buite skyn die son

Maar dit is nie wat van binne kom

 

Soos ‘n blaar wat waai in die wind

Waar sal ek die Koningkryk vind?

Maar selfs die wind het van my vergeet

Nou lê ek maar hier in my leed

 

Waar sal my hulp vandaan kom

of is ek nou net dom?

Was al die vooruitsigte verniet?

Sal ek omkom in my eie verdriet?

 

Eendag sal ek alles op kan som

Wanneer ek terugkeer vanwaar ek kom

Eers dan sal ek leer

En miskien weer prober

 

Lukas Engelbrecht

 

 
 

Naby jou

Soms is ek stupid en dom

Veral as ek naby jou kom

En as jou skoonheid my verbaas

As my binneste begin raas

 

Maar nou verlang ek na jou

En ek weet nie waar is jy nou

As ek maar net kon weet

Sou ek daar by jou kon wees

 

Lukas Engelbrecht

 

     

My gediggie vir jou

Ek is seker jy het dit al gehoor

Maar Miskien het jy die woorde al verloor

En ek wil jou net herrinner aan dit

Sodat jy weet hoe lief ek jou het

 

Uit my hart se kamers kom ‘n woord

Van waar my liefde vir jou hoort

Maar het oos ‘n trekvoël weggevlieg

Tot in jou hart se wieg

 

Vanwaar my lied te voorskyn kom

Vanwaar my lied soos die son opkom

En my woorde soos sy strale versprei

En dit vrede en liefde in jou hart kan kry

 

Dan vlieg dit oop die aarde heen

Waarvan elkeen ‘n ietsie kan leen

So gryp ‘n bietjie liefde uit die lug

Die woorde van my gedig

 

Lukas Engelbrecht

 

 
 

My hart klop vir jou

Soos kookwater in my binneste

Klop my hart op sy vinnigste

‘n renmotor om ‘n baan

Wat al hoe vinniger gaan

 

Want van veraf kom jy aan

As my hart na jou toe gaan

Hy kan net nie meer wag

Dat jy eendag sou opdaag

 

Lukas Engelbrecht

 

 
 

Ek glo wat ek glo

Ek glo wat ek glo wat ek glo

Want my hulp kom van bo

Jy kan glo wat jy glo

Want net jy weet hoekom jy glo

 

Want wat ek glo werk vir my

Maar jy kan nie daarvan kry

Want wat jy glo is net vir jou

Vir my sal dit nie water hou

 

Want dit wat ek glo is reg vir my

En van dit kan jy niks nie kry

En wat jy glo is nie reg vir my

Daarvan kan ek ook niks nie kry

 

Want ek glo vir myself

Al kan jy daarteen stry

En jy glo vir jouself

Waarby net jy kan baat

 

Lukas Engelbrecht