Jou skoonheid het my woorde ontneem
Deur die wind oor die aarde heen
Deur riviere weggedra
Na die see wat vra vir meer
Bring my woorde met die son
Laat sy strale na my toe kom
Gooi my woorde voor haar neer
Gooi dit deur haar hart se deur
Met al my woorde in 'n sak
Gaan ek vir jou 'n koek daaruit bak
Met my liefde versier
Soos heuning met my woorde bedrup
Met my woorde nou in jou hart
In 'n see van woorde
Wat soos golwe oor jou spoel
En speel speel in jou hartjie woel
Lukas Engelbrecht
In my hart brand daar ‘n vuur
Soos ‘n bosbrand wat verteer
In alle rigtings in gestuur
Deur die wind word dit beheer
Soos die golwe van die see
Voer dit my mooie liefde mee
En rol dit tot hier teenaan jou
On dit om jou hart te vou
Maar agter die vuur lê daar die swart
Van verlange en van smart
Van die liefde lank gelee
Word dit deur die wind toegevee
Selfs die rook word weggedryf
Nog ‘n liefde wat van ver af wuif
En dan wegraak in die vreem
En deur die heelal opgeneem
Lukas Engelbrecht
Ek stuur my liefde met 'n posduif die wêreld in
Sodat hy sy soektog na jou kan begin
As hy sy vlerke oor die aarde sprei
En 'n plekkie in jou hartjie kry
Stuur die posduif dan weer terug
Want ek wag vir sy teken in die lug
En jou boodskap as hy koer
Wanneer die maan deur my venster loer
Maar die nag word donker en koud
En my hart raak stil en benoud
Waar het die posduif dan oornag?
Het ek hom te gou terug verwag
Dan lê die goud op die horizon
En in die verte sien ek hom
Afgeets teen die hemelblou
Gaan jy tog met my wil trou?
Lukas Engelbrecht
Die briefie wat ek vir jou skryf
Het Miskien nie baie om die lyf
Want waar die ink op die papier lê
Kan nie beskryf hoe diep my liefde lê
En die posduif kan nie vir jou sê
Verduidelik hoe graag ek jou hier wil hê
Nogtans stuur ek met 'n duif
'n briefie wat van my liefde getuig
En wanneer jy tussen die lyne lees
Roep ek al is my stem al hees
En ek hoop dat jy sal kan verstaan
Dat my liefde oral saam met jou gaan
En al kom die posduif nooit weer terug
En al stuur jy hom op 'n ander vlug
Kan jy verseker wees
My liefde sal daar wees
Want my gees het jou gevind
Op die vlerke van die wind
Lukas Engelbrecht
Hier is 'n appel net vir jou
In my liefde toegevou
Kry nog 'n appel van die boom
En laat jou liefde oor my stroom
Daar is nog appels aan die bome
Een vir elkeen van jou drome
Daar is 'n tafel vir ons twee
'n ete voorberei vir twee
Kom sit nou hier by my
Laat ek vir jou 'n appel kry
Kom geniet die liefde wat ek gee
Laat ons die Paradys betree
Hiers nog 'n appel net vir jou
Kry nog 'n appel hier vir jou
Laat ons ons liefde daarom bou
Laat ons dronk word van sy dou
Lukas Engelbrecht
Miljoene sterre aan die hemel
Wat in die donker nag rond wemel
Lukas Engelbrecht
Lank gelede in die Vrystaat
In n Kroonstadse straat
Tussen die wyndampe deur
Die liefde wat net ‘n ma kan gee
Van alles wat belangrik was
Van ons drome en ons wense
Van alles het daar niks oorgebly
Net die liefde het gedy
In die skool het ons geleer
En ons harte was so seer
As ons nie kom kry wat ons wou hê
Wat na aan ons harte lê
Groot geword en getrou
Net om aan ‘n nasie te bou
Ons lewens verruil vir geld
Vir n motor en ‘n held
Lukas Engelbrecht
In my bedjie lê ek en wag
Op ‘n kussing lê my koppie sag
Vir Klaasvakie om te kom
Met sy ruggie krom
Saggies kom hy verby
Soos die windjie hier om my
En strooi sy sandjies sag
Tot ek slaap sit hy en wag
Lukas Engelbrecht
Elke oggend word ek wakker
Met die geraas van my wekker
Sukkel sukkel staan ek op
Want my jeug is lankal op
Die ouderdom kou aan my bene
En bring ook ander skete
Maar vir elkeen is daar n pil
As ek van nog ‘n pyn wil gil
Soos die wekker om en om
Kan ek my jeug in ‘n dag opsom
Want vinnig gaan die dae verby
Totdat jy aan die ouderdom ly
Maar die ouderdom se dae is lank
voel jy elke dag se krank
Totdat jy eendag gaan le
En jou laaste sê sê
Lukas Engelbrecht
So word ons groot
Met botter en brood
Met n kam in die kous
En n brill cream kuif
En die meisie op die hoek
Om wie die manne kloek
So word ons groot
Met meisies en brood
Lukas Engelbrecht
Oop lê die vlaktes die hemel in
Tot tussen die sterre in
Daar stap ek rond
Tot by die einde se gapende mond
sal ek omdraai of sal ek spring?
Wat sal die oplossing bring?
Spring ek vind ek dalk uit
En Miskien is ek dalk spyt
Draai ek om en vergeet daarvan
Maar gaan ek dit kan verban
Vind ek uit wat ek nie wil weet
Of probeer ek dit vergeet
L.C.J. Engelbrecht
Sy bly daar anderkant die spoor
In ‘n sinkdakhuisie in die onderdorp
‘n ou Cortina in die motorhuis
Nog een vir parte agter die huis
Maar ek wil haar hê
Maak nie saak wat ander sê
Elke dag dink ek aan haar
Al my liefde net vir haar
In die sinkdakhuisie waar sy woon
Ja, ek weet dis nie te skoon
Op die rusbank kuier ons
Op ‘n kussingtjie van dons
Maar die sinkdak kort ‘n verf
En al die hoenders op die werf
Maak date k verlang
Na die meisie oor die spoor
Lukas Engelbrecht
Jou boot het weer vertrek
Wat verlange in my wek
Weereens seil jy weg
Teen die trane moet ek veg
Ver oor die oseaan
Ver weg het jy gegaan
Oor die horison se nek
Daar waar die son gaan sak
Weer het jy weggegaan
En my net hier laat staan
Net die see en lug se blou
Het jou siluet vervlou
Jy het my weer verlaat
Wat gaan ek nou weer maak
Hoe gaan my more lyk
As die donker oor my daal
Wens ek dat ek jou kan gaan haal
Lukas Engelbrecht
Met die wolke stuur ek jou
My liefde soos die oggend dou
So bedek dit jou
Soos my liefde aan jou klou
Met die windjie bring ek jou
My liefde draai om jou
So is my liefde vir jou
Soos die stof wat aan jou klou
Ek stuur my liefde net vir jou
Omdat ek van jou hou
En my arms wil ek vou
Om jou liefde vas te hou
Met sy strale stuur ek jou
My liefde skyn ek net vir jou
En die nag kan dit nie vervlou
As my liefde aan jou hartjie klou
Lukas Engelbrecht
Stil lê die graf
Waar my oupa lê en wag
Dat die son weer op sal kom
En die ooste weer sal blom
Maar uit hom staan ek op
Uit die graf uit die stof
Want my lewe het hy gegee
Toe ek my eerste treetjie gee
So gee ek dit weer
Aan die wat uit my beur
Om dit weer oor te gee
Aan n nuwe ek te gee
So leef ek voort
En dis hoe dit hoort
Vir ewig op te staan
Uit my oupa se vergaan
Lukas Engelbrecht
Ek bou n huisie vir ons twee
Met al die liefde wat jy gee
Jy maak my hart se kamers vol
jy laat my bloed dan daarin stol
Jou liefde skep jy vir my op
Ek leef van dag tot dag daarop
Want my dors is net na jou
As jou hart my hart omvou
Die tafel is gedek vir twee
Met al die liefde wat jy gee
My bord is vol en staan en wag
Aan die einde van die dag
Want al die liefde wat jy bring
Wat die voëltjies vir my sing
Laat my op wolke loop
Laat my op die toekoms hoop
Laat my tussen sterre loop
Laat my op die hemel hoop
Lukas Engelbrecht
Ek leer
Van die weer
En die sand
Op die strand
Die reën
Sê hulle, is ‘n seën
Die wêreld te deurweek
Dat nuwe plante kop uit kan steek
Die wind kom van die ooste
En gaan lê in die weste
Die wolke ry op die wind
En dring die reënbooglint
Koppies en randjies
Valeie soos mandjies
Teen die berg se hang
Skuur ‘n wolk sy wang
‘n Kronkelende rivier
wat die land versier
lowergroen wilgebome
op die rivier se some
Deur al sy wee
Kom hy tot by die see
Die sand is helder wit
‘n Seemeeu wat op ‘n rots sit
L.C.J. Engelbrecht
Een oggend op die plaas
En jy ken die geraas
Van die plaasdiere
Met hul snaakse maniere
‘n Voëltjie fluit
en hou jolyt
oor die nuwe dag
wat op ons wag
Die hond blaf vir sy stert
Hy’s die naam ‘Hond’ nie werd
Al in die ronte tol hy
Sy stert kom hy nie by
In die verte ‘n koei wat bulk
As sy vir haar kalfie wink
Om nader te draf
Sadat sy, aan haar melk kan verskaf
Van die rivier kom die gille
Van die krokodille
In die seekoeigate
Krioel hul uitgelate
L.C.J. Engelbrecht
Hoe de hel
Moet ek jou bel
Die foon bly beset
Jy het jou verset
Teen my drang
Na drank
Nou het jy my verlaat
Alleen agter gelaat
Hoe moet ek voortgaan?
Ek sal vergaan
Van hartseer en verlange
Sorgelose dae
Van vol mae
Skoon wasgoed en huis
En tuis………..
‘n goeie simpatieke vrou.
L.C.J. Engelbrecht
Twee is beter as een
Een is alleen
Gee my ‘n maat
Sonder ‘n hart vol haat
Met ‘n oop gemoed
Elke oggend as ek haar groet
‘n Maat wat ‘n geheim kan hou
met wie jy jou geld kan vertrou
wee die een wat val
sonder ‘n maat om hom op te tel
jou maat hou jou warmer
in die koue winter
As iemand met jou maat baklei
Snel jy gou om haar te bevry
In die kloue van die nag
is dit jy na wie sy smag
om haar te beskerm
en jou oor haar te ontferm
L.C.J. Engelbrecht
