Skoonheid omhul jou

Die son kom op om jou skoonheid te aanskou

En jou in sy strale toe te vou

In skaamte laat sak hy sy kop

As hy oor die horizon hop

Want jou skoonheid het hom vervlou

 

 

Lukas Engelbrecht

My idees

Wanneer woorde tussen hemel en aarde lê

En die ink nat in my pen bly lê

Vorm die woorde ‘n nuwe skildery

Iewers diep binne in my

 

Maar wanneer die wind begin waai

En die papier met woorde besaai

Is die boodskap wat dit gee

Vreemder as my eie idee

 

 Lukas Engelbrecht

Die mense op die strand

'n Seksie lyf onder 'n sambreel

Wat my uitsig steel

 

Bene vol selleliet

Op haar maag hang daar 'n tiet

 

Sy maag hang oor se watsegoed

Kaalkop onder sy hoed

Lukas Engelbrecht

Die son is laat

Ek is op voordat jy jou kop uitsteek

Voordat jy die nag in stukke breek

Voordat jy jou strale ontplooi

En dit oor die aarde gooi

 

Ek kyk hoe jy oor die horison loer

Totdat jy aan die anderkant af moer

Vandat jou strale met die golwe aanrol

Totdat dit oor die horison spoel

 

En warrnner jy oor die horison gly

Is nog 'n dag verby

En voordat ek weer op sal staan

Gee jy my darm nog die maan

 

So is jou lig altyd om my

Waar jy my ookal kry

Soos ‘n toegewyde maat

Al is jy soms ook laat

Lukas Engelbrecht

Die stryd binne my

Die stryd binne my

 

Rotse, sand en see

Voer my na verre plekke mee

Plekke waar ek nog nie was

Na daar waar siel en liggaam in mekaar pas

 

Want die woorde gryp ek uit die lug

En skryf dit met 'n sug

Want dit wat ek op papier neerlê

Wil nie begryp wat ek wil sê

 

Want die stryd tussen liggaam en gees

Die een geliefd, die ander wees

Die een wat wil en die ander een moet

My keuse wie ek wil groet

 

Al is die groet bitter-soet

Bly die stryd in my woed

Want welke een ek ookal groet

Bly die stryd in my woed

Lukas Engelbrecht

Vir jou bedoel

 

Ek sit hier langs die see en skryf vir jou

Totdat ek die woorde versigtig toevou

En dit dan op die golwe neerlê

 

Dan dryf die wind dit die see in

Tot daar waar die waters begin

Om dit op 'n onbekende strand uit te spoel

 

Liggies wieg dit op die golf se skuim

Dans dit in 'n ligte luim

Totdat jy dit optel en dit lees

 

En al is dit nie vir jou bedoel

Terwyl onsekerheid in jou woel

Is dit spesiaal vir jou bedoel

Lukas Engelbrecht

Jan van Riebeeck

Aangespoor deur avontuur

Al sou dit maande duur

Aan die onbekende se punt

Oor die waters, op die wind

 

Drie skuitjies word aangewaai

Tot waar die Suid-Ooster draai

Le matrose hulle lewens neer

Aan die skeurbuik se seer

 

Dan stap hulle uit op ‘n nuwe land

Die Kaap van Storms se sand

‘n nuwe land, ‘n nuwe mens

‘n nuwe tuiste, ‘n wens

 

Om ‘n nuwe land uit niks te bou

Groente uit die oggend dou

‘n lappie grond vir de Boer

Om swerwende matrose te voer

 

Lukas Engelbrecht

Paddatjie

Paddatjie

 

Paddatjie hop, hop, hop

Agtervoetjies skop, skop, skop

Tongetjie vang, vang, vang

Vlieggie bang, bang, bang

 

Lukas Engelbrecht