meta content='Afrikaanse Gedigte' name='description'/> Lukas se Gedigte: Son
Showing posts with label Son. Show all posts
Showing posts with label Son. Show all posts

Thursday, 18 May 2017

Nooit vervelig

Dit sal my nooit verveel
Die toneelstuk wat jy speel
Ek kyk vir ure na jou
Hoe jou verhaal ontvou

Ek sien maar net die helfde
Al is dit elke jaar dieselfde
Van die lewe tot die dood
Gaan jou verhaal nogtans voort

Om elke jaar van voor af te begin
Om uit die dode op te staan
Om te baklei vir jou voortbestaan
En altyd te oorwin

Ek verwonder my aan die natuur
Dit wat dit moet verduur
Om op te staan uit die dood
Te groei tot waar dit hoort

Lukas Engelbrecht

 

Toneelspeel

Wanneer die son jou verlig
Is dit ‘n pragtige gesig
Blink en mooi
In wit getooi

Die vorm van jou lyf
Wat hier oor my dryf
Laat my skimme sien
Van beelde of drome, miskien

Die een vorm na die ander
Soos die windjie jou verander
Soos ‘n toneelstuk op die plank
Sweef jy oor die land

Sodat almal jou kan sien
‘n miljoen miskien
Maar net ‘n paar let op
Na die toneelspel bo hul kop

Lukas Engelbrecht

 

Wednesday, 17 May 2017

Skyn tog weer

Niks kan ooit bestaan
As die son onder gaan
Want in sy strale toegevou
Lê die kleure van die pou

Wanneer sy strale nie meer skyn
Het al die kleure ook verdwyn
Net die swart van die nag
‘n Blindheid wat daar wag

Maar die oggend bring weer kleur
Wanneer jou strale deur die donker beur
My sig keer dan terug
Met jou strale se lig

Jy bepaal die dag en nag
Met jou lig se krag
Jy laat die plante groei
Jy laat die blomme bloei

Lukas Engelbrecht

Ek voorsien

Ek gee kossies
Aan al die bossies
Ook die diere wat wil vreet
Sal ek nie vergeet

Hulle hoef my niks te vra
Hulle hoef ook nie te kla
Al sall hulle dit nie verdien
Sal ek nogtans voorsien

Want die lewe lê in my
En jy kan ook daarvan kry
Wanneer my strale jou bedek
Wat die lewe in jou wek

Sonder my is daar nood
En stadig kom die dood
En alles sal vergaan
En niks sal bly staan

Lukas Engelbrecht

Die son se lewe

Ek sê dankie vir die son
Dat hy elke dag op sal kom
Dat hy my lewe gee
En tog ook rus gee

Was dit nie vir jou lig
Had ek ook geen sig
Dan was ek in die donker gehul
En het die donker my ingesluk

Sonder jou sal die dood intree
En alles van die aarde vee
‘n Dorre, koue woestyn
En dan die dood se pyn

Maar jou strale lewe
Die lewe ‘n gegewe
Ek hoop jy gaan nooit af
Want van jou hang die lewe af


Lukas Engelbrecht

Monday, 15 May 2017

Opstaantyd

Ek staar na die horizon
Ek wag dat die son op sal kom
Of moet ek hom eers nooi
Om sy strale oor my te gooi

Stadig verkleur die nag
En word die donker sag
Dan loer hy oor die kop
En staan die hele wêreld op

Hy bepaal ons slap en opstaan
Anders sal ons vergaan

Lukas Engelbrecht

Sunday, 7 May 2017

Die son skyn

Die son skyn op elke boom
Elke blom elke bossie
Almal kry eweveel van die son
So is dit ook met die mens
Wat eweveel van U liefde geniet
En al staan ons in U lig
Kan ons dit nie sien
En eers as die donker dae kom
Dan eers kan ons dit sien
Laat ons dan om ons kyk
Waar U vir ons wegkruip
Laat ons U vind
In die sonskyn, in die wind

Lukas Engelbrecht