Die einde

Dit is die einde van my bestaan

Dit is nou tyd om huis toe te gaan

Dit is tyd om uit te vind

Waar ek my nou bevind

Miskien sal ek dan weet

Het ek die lewe of het die lewe my beet

Hoe meer ek my kennis verbreed

Lyk dit of ek al hoe minder weet

Hoeveel boeke ek ook al lees

Hoe meer laat dit my wees

Gestroop van kennis van goed en kwaad

En selfs dit sal my nie baat

Net van die dood is ek seker

En staan ek met ‘n leë beker

Dit is tyd om huistoe te gaan

Die einde van my bestaan

Maar self dit is my ontneem

Hoeveel tyd het ek geleen?

Lukas Engelbrecht

Die Lotto

Die Lotto is ‘n wonderlike ding

Wanneer hy sy miljoene bring

Kan ek van die aarde af spring

En saam met die engele sing

Wat ‘n wonderlike ding

Die vrede wat die geldjies bring

Wat my van vreugde laat spring

As die oseaan sy lied vir my bring

Die vrede is ‘n wonderlike ding

Oor die voorspoed wat dit bring

Wat my hart van geluk laat bokspring

As die voëltjies in die bome sing

Die vreugde is ‘n wonderlike ding

Oor die glimlag wat hy bring

Soos ‘n Springbok wil ek spring

Soos ‘n Swaeltjie vir jou sing

Lukas Engelbrecht

Na die reën

Ek hou van die dae as dit reën

Dan voel ek God het my geseën

En al bring dit die koue en nat

Sal die voëltjies in die poeletjies bad

Na die reen is alles weer skoon

Die stof van die bome se kroon

Vasgevang in ‘n druppeltjie dou

Wat die hele wêreld omvou

Glinsterind op ‘n roos se blaar

Waar al die kleure baljaar

En met strale versprei

In die hemelruim vry

Lukas Engelbrecht

Saggies is die stilte

Saggies sweef die wolke verby

Waar hulle op die winde ry

Tot anderkant die horizon

Tot anderkant die son

Saggies sweef die voëltjies verby

Waar hulle op die winde ry

Tot anderkant die horizon

Tot anderkant die son

Hoe sal ons ooit verstaan

Waaroor die stilte gaan

Waar die lewe se gang

Op dowe ore val

Die stilte bring ‘n gevoel van vrede

Wat sagkuns rus op jou gemoed

In stilte

Lukas Engelbrecht

---

So is ek

Soos die nuwe dag gebore

En die ou dag verloor

So is ek

Uit die baringsnood van die nag

Word vir my gebore ‘n nuwe dag

So is ek

Soos ‘n kind, so stout

Kruip daar oor die horison, goud

So is ek

Lukas Engelbrecht